Gürcüstanda buzlaqların irimiqyaslı tədqiqatı aparılıb, belə miqyasda tədqiqat əvvəllər heç vaxt keçirilməyib, – bu barədə Gürcüstanın Ətraf Mühitin Mühafizəsi və Kənd Təsərrüfatı naziri Davit Sonğulaşvili bildirib.

Davit Sonğulaşvilinin qeyd etdiyi kimi, tədqiqat çox səlahiyyətli, mühüm beynəlxalq şirkət tərəfindən aparılıb və tədqiqatda isveç və gürcü mütəxəssisləri birgə iştirak ediblər.

“Xüsusilə vacib odur ki, tədqiqat nəticəsində dərhal təhlükənin mövcud olmadığı məlum olub. Növbəti mərhələlərin, monitorinq sistemlərinin quraşdırılması və müxtəlif profilaktik tədbirlərin həyata keçirilməsi vacibdir. Monitorinq sistemləri növbəti iki il ərzində quraşdırılacaq və növbəti mərhələ bu işlərin nəticəsində müəyyən ediləcək”, – deyə Davit Sonğulaşvili bildirib.

İsveçrənin GEOTEST şirkətinin mütəxəssisi Daniel Tobler buzlaq vadiləri üzrə tədqiqatın nəticələrini bu gün Gürcüstanın Baş naziri İrakli Kobaxidzeyə təqdim edib.