ABŞ-ın yenilənmiş Milli Təhlükəsizlik Strategiyası Avropa İttifaqında mövcud olan çox böyük böhranın, korrupsiya bataqlığında olan avropanın rəsmi şəxslərinin ifşasıdır; onlar öz maraqları naminə Avropa İttifaqını idarə edirlər və Aİ-yə daxil olan ölkələrin arzularını nəzərə almırlar”, – bu barədə Parlamentin Prosessual Məsələlər Komitəsinin sədri David Matikaşvili bildirib.

Onun sözlərinə görə, strategiyada açıq şəkildə yazılır ki, NATO-nun genişlənməsi arzusunun məqsədsiz və uyğun strategiya olmadan həyata keçirilməsi həmin istiqamətdə necə ağır reallıq yaratdığını göstərir.

“Burada söhbət sülhdən, ölkələrin gücləndirilməsindən gedir və bu strategiya bir daha vurğulayır ki, Avropa İttifaqında mövcud olan hakimiyyət situasiyası çox ağır böhran içindədir və bunun praktiki ifşasını ABŞ həyata keçirir”, – Matikaşvili bildirib.

Onun sözlərinə görə, Gürcüstan həmişə NATO ilə bağlı öhdəliklərini səmimi şəkildə yerinə yetirib, amma təəssüf ki, bunu NATO-nun Gürcüstanla bağlı mövqeyi haqqında deyə bilmərik.

“2008-ci il sammiti fonunda, təhlükəsizlik zəmanətləri əvəzinə, əksinə, ölkəmiz üçün təhlükə yaradan bir müddəa konkret qətnamədə yer aldı ki, bu da həm Gürcüstan, həm də Ukrayna üçün çoxsaylı problemlərə səbəb oldu. Müvafiq olaraq, ölkəmizin strateji əhəmiyyəti və əsas vəzifəsi dövlətimizin suverenliyinin qorunması, gürcü xalqının və cəmiyyətimizin iradəsinin həyata keçirilməsi, həm təhlükəsizlik, həm də ölkənin ərazi bütövlüyünün bərpası istiqamətindədir ki, bu da bir nömrəli vəzifəni təşkil edir”, – Matikaşvili bildirib.

Məlumat üçün bildirək ki, ABŞ-ın 2025-ci il Milli Təhlükəsizlik Strategiyasında Avropadakı prioritetlər sırasında “NATO-nun daim genişlənən bir ittifaq kimi qəbul edilməsinə son qoymaq” məqsədi yer alır.