Danimarkanın Gürcüstandakı səfiri Anne Toft Sorensen Zurab Caparidzenin həbsi ilə bağlı narahatlığını ifadə edir.

Diplomatın sosial mediada yazdığı kimi, Danimarka Gürcüstanda demokratik geriləməyə cavab olaraq Avropa İttifaqının məqsədyönlü tədbirləri və birgə fəaliyyətini dəstəkləyir.

“Danimarka gürcü müxalifət lideri Zurab Caparidzeyə qarşı görülən qeyri-mütənasib tədbirlərdən, həmçinin siyasi müxalifətin fəaliyyətini məhdudlaşdırmağa yönəlmiş son qanunvericilikdən dərin narahatlığını bildirir. Danimarka Gürcüstanın demokratik geriləməyə cavab olaraq məqsədyönlü tədbirləri və Avropa İttifaqının birgə fəaliyyətini dəstəkləyir”, – Danimarka səfiri yazır.

Məlumat üçün bildirək ki, mayın 22-də “Dəyişikliklər Naminə Koalisiyası”nın liderlərindən biri Zurab Qirçi Caparidze barəsində təyin edilmiş girov həbs qətimkan tədbiri ilə əvəz olundu. Müvəqqəti İstintaq Komissiyasının müraciəti əsasında Prokurorluq Caparidzeyə qarşı Cinayət Məcəlləsinin 349-cu maddəsi ilə ittiham irəli sürüb  ki, bu da “Gürcüstan Parlamentinin Müvəqqəti İstintaq Komissiyasının tələbinin yerinə yetirilməməsi” deməkdir və cərimə və ya bir ilədək azadlıqdan məhrum etmə, vəzifə tutmaq və ya fəaliyyət hüququndan üç ilədək məhrum etmə ilə cəzalandırılır.