Danimarkanın baş naziri Mette Federiksen Rusiya prezidenti Vladimir Putini Ukraynadakı müharibəyə son qoymağa çağırıb.

Jurnalistin mayın 9-da Putinə hər hansı mesajının olub-olmadığını soruşduqda, Frederiksen belə cavab verib: “Ukraynada müharibəni dayandır və Avropaya hücum etmə”.

“Ukraynada müharibəni dayandır və Avropaya hücum etmə. Dezinformasiya və robotlarla demokratiyamızı məhv etməyə çalışma. Kritik infrastrukturumuzu məhv etmə. Sualtı infrastrukturumuzu təxrib etmə. Dünya ictimaiyyətini zəiflətmə və dağıtma, avropalıları da öldürmə. Əslində bu o qədər də çətin deyil — biz, qalanlar, bunu etmirik”, – Federiksen bildirib.

Bununla yanaşı, Danimarkanın baş naziri Rusiya ilə Ukrayna arasında atəşkəsin əldə olunması ehtimalına şübhə ilə yanaşır. Onun dediyinə görə, Moskva sülhə can atdığını nümayiş etdirməyib.