Daxili İşlər Nazirliyinin Tbilisi Polis Departamentinin İsani-Samqori Baş İdarəsinin əməkdaşları külli miqdarda və xüsusilə külli miqdarda narkotik vasitələrin və psixotrop maddələrin qanunsuz əldə edilməsi, saxlanılması və satışının təşviqi, eyni zamanda, həkim resepti olmadan narkotik vasitələrin qanunsuz istifadəsi ittihamı ilə 3 nəfər müxtəlif vaxtlarda saxlanılıb, onlardan ikisi əvvəllər məhkum olunub. Daxili İşlər Nazirliyi məlumat yayır.

Qurumun məlumatına görə, hüquq-mühafizə orqanlarının əməkdaşları təqsirləndirilən şəxslərin şəxsi və onların göstərdiyi yerlərdə axtarış nəticəsində satışa hazırlanmış xüsusilə külli miqdarda narkotik vasitələr — “Alpha-PVP”, “Methadone”, qurudulmuş marixuana və psixotrop maddə “Ketamine”i maddi sübut kimi götürüblər.

“Polis, hakimin qərarı əsasında keçirilmiş istintaq tədbirləri nəticəsində, saxlanılan şəxslərdən birindən bir neçə dəfə narkotik vasitələrin nəzarət qaydasında alışını həyata keçirib və sözügedən alışın gizli audio-video yazısını aparıb.

İstintaq Gürcüstan Cinayət Məcəlləsinin 260-cı, 260-cı kvarta, 261-ci və 273-cü maddələri ilə aparılır, bu da 20 ilə qədər və ya ömürlük azadlıqdan məhrum etməni nəzərdə tutur”, – DİN-in məlumatında qeyd edilib.