Daxili İşlər Nazirliyi Tsalkada xüsusilə külli miqdarda yüngül narkotik vasitə və odlu silah müsadirə edib, iki şəxs saxlanılıb
Daxili İşlər Nazirliyinin Kvemo Kartli Polis Departamentinin əməkdaşları xüsusilə külli miqdarda narkotik vasitələrin və odlu silahın qanunsuz əldə edilməsi və saxlanması ittihamı ilə iki şəxsi – 2003-cü il təvəllüdlü D.M. və əvvəllər məhkum olunmuş 1954-cü il təvəllüdlü S.M.-nı müxtəlif vaxtlarda saxlayıblar. Bu barədə Daxili İşlər Nazirliyi məlumat yayır.
Qurumun məlumatına görə, hüquq-mühafizə orqanlarının əməkdaşları keçirilmiş operativ tədbirlər və istintaq hərəkətləri nəticəsində hər ikisini təqsirləndirilən şəxs qismində saxlayıblar.
“Hüquq-mühafizə orqanlarının əməkdaşları Tsalka bələdiyyəsində D.M.-nin şəxsi, avtomobilində və yaşayış evində axtarış zamanı xüsusilə külli miqdarda – 760 qram “qurudulmuş marixuana”nı və S.M.-nin yaşayış evində və köməkçi anbarlarında aparılan axtarış zamanı isə pulemyot, 2 ədəd patron darağı və 26 ədəd silah patronunu maddi sübut kimi götürüblər.
İstintaq Gürcüstan Cinayət Məcəlləsinin 260-cı maddəsinin 3-cü bəndinin “a” yarımbəndi və 236-cı maddəsinin 3-cü hissəsi ilə aparılır, bu da 20 ilədək müddətə azadlıqdan məhrum etməni nəzərdə tutur”, – DİN-in yaydığı məlumatda deyilib