Daxili İşlər Nazirliyinin Tbilisi Polis Departamentinin əməkdaşları qanunsuz olaraq odlu silah və sursat əldə etmək, saxlamaq və daşımaq ittihamı ilə 1979-cu il təvəllüdlü Q.C. və 1990-cı il təvəllüdlü T.Q.-nı həbs ediblər. Bu barədə Daxili İşlər Nazirliyi məlumat yayır.

Qurumun məlumatına görə, istintaq Cinayət Məcəlləsinin 236-cı maddəsinin 3-cü, 5-ci və 6-cı hissələri ilə aparılır, bu da 12 ilə qədər müddətə azadlıqdan məhrum etməni nəzərdə tutur.

“Operativ məlumatlar əsasında keçirilmiş istintaq hərəkətləri nəticəsində hüquq-mühafizə orqanlarının əməkdaşları təqsirləndirilən şəxslərin evində və avtomobilində aparılan axtarış zamanı avtomatik odlu silah, Makarov sistemli tapança, patron daraqları və müxtəlif odlu silah üçün nəzərdə tutulmuş silah patronunu maddi sübut kimi götürüblər”, – DİN-in yaydığı məlumatda deyilib.