Daxili İşlər Nazirliyinin İmereti Polis Departamentinin əməkdaşları narkotik vasitələri qanunsuz əldə etmək və saxlamaq, həmçinin əvvəlcədən razılaşdırılmış qrup tərəfindən onların satışına kömək etmək ittihamı ilə müxtəlif vaxtlarda dörd nəfəri həbs ediblər. Bu barədə Daxili İşlər Nazirliyi məlumat yayır.

Qurumun məlumatına görə, saxlanılanlar arasında həm Gürcüstan, həm də xarici ölkə vətəndaşları var.

“Təqsirləndirilən şəxslərin şəxsi və yaşayış evlərində, həmçinin onların göstərdiyi yerlərdə axtarış zamanı hüquq-mühafizə orqanlarının əməkdaşları xüsusilə külli miqdarda narkotik maddə – “Metadon”u maddi sübut kimi götürüblər.

İstintaq hərəkətləri nəticəsində polis narkotik maddələrin qablaşdırılması üçün lazım olan materialları və ehtimal ki, narkotik satışından əldə edilən vəsaiti də müsadirə edib.

İstintaq Cinayət Məcəlləsinin 260-cı və 260-cı dördüncü maddələri ilə aparılır, bu da 20 ilə qədər və ya ömürlük azadlıqdan məhrum etməni nəzərdə tutur”, – Daxili İşlər Nazirliyinin yaydığı məlumatda deyilib.