Daxili İşlər Nazirliyinin İmereti Polis Departamentinin Çiatura Rayon Bölməsinin əməkdaşları xidməti vəzifələrini yerinə yetirərkən polis əməkdaşına hücum etmək ittihamı ilə dörd nəfəri – 2008-ci il təvəllüdlü S.İ.-nı, 1999-cu il təvəllüdlü Q.Ş.-nı, 2000-ci il təvəllüdlü A.M. və 1994-cü il təvəllüdlü M.Ş.-nı həbs ediblər. Bu barədə Daxili İşlər Nazirliyi məlumat yayır.

Onların məlumatına əsasən, istintaq Cinayət Məcəlləsinin 353-cü prima maddəsi ilə aparılır, bu da 8 ilədək müddətə azadlıqdan məhrum etməni nəzərdə tutur.

“Hüquq-mühafizə orqanları əməkdaşları tərəfindən aparılan istintaqla məlum olur ki, təqsirləndirilən şəxslər Daxili İşlər Nazirliyinin Patrul Polis İdarəsinin patrul inspektoru ilə xidməti vəzifələri ilə bağlı sözlü mübahisə yaşayıblar  və daha sonra ona qrup halında hücum ediblər və fiziki zorakılıq tətbiq ediblər.

Hücum nəticəsində patrul inspektoru bədəninin müxtəlif nahiyələrindən xəsarət alıb və təqsirləndirilən şəxslər hadisə yerindən qaçaraq gizləniblər. Polis iş üzrə keçirilmiş əməliyyat tədbirləri və istintaq hərəkətləri nəticəsində, dörd şübhəli şəxsi cinayətin törədilməsindən qısa müddət sonra həbs edib”, – Daxili İşlər Nazirliyinin yaydığı məlumatda deyilir.