2008-ci ildə Vladimer Putin Gürcüstana daxil olanda reaksiyamız yumşaq oldu- bu haqda Avropa İttifaqının Xarici Fəaliyyət Xidmətinin rəhbəri Cozef Borrell NATO sammiti çərçivəsində Avropa İttifaqının müdafiə tədbirində çıxışı zamanı deyib.

Avropa İttifaqının Xarici Fəaliyyət Xidmətinin rəhbəri bildirib ki, Qərb 2014-cü ildə Krımı ilhaq edən zaman Putinin hərəkətinə könülsüz reaksiya verib.

“Göz önündə olanı görmək istəmirdik. Putin Rusiyanın yenidən qonşuluqda hökmranlıq etməsini istəyir. Putin Rusiyanın imperialist ambisiyalarından əl çəkmir, problem budur. Rusiya yenə də imperiya kimi davranır və Putin imperiyanı bərpa etmək istəyir, istər çar imperiyası olsun, istərsə də sovet imperiyası. Nəhayət, 2022-ci ilin fevralında onlar Kiyevi bombalamağa başlayanda biz bədbəxt bir reallığa oyandıq və pis şəkildə hazırlanmış yaxalandıq. Oyandıq və sonra başa düşdük ki, bu çağırışa hazır deyilik. 75 il əvvəl Sovet İttifaqı Avropada azadlıq və demokratiya üçün təhlükə olaraq meydana çıxdı və biz birlik və güclə cavab verdik. Bu gün isə edə biləcəyimiz yeganə şey eyni yolu davam etdirməkdir”- deyə Cozef Borrell bildirib.