Çin Xalq Respublikasının Sədri Si Dzinpin Gürcüstanın Prezidenti Mixeil Ğavelaşvilini Gürcüstanın Müstəqillik Günü münasibətilə təbrik edir.

Gürcüstan Prezidentinin Administrasiyasının verdiyi məlumata görə, Si Dzinpin məktubunda Gürcüstan və Çin arasında mövcud olan dostluq münasibətlərinə və strateji tərəfdaşlığın dərinləşdirilməsinin əhəmiyyətinə diqqət çəkir.

“Hörmətli cənab Prezident, Gürcüstanın Müstəqillik Günü münasibətilə sizə və gürcü xalqına səmimi təbrikimi və ən xoş arzularımı çatdırmaq istəyirəm.

Çin və Gürcüstan arasında qarşılıqlı hörmətə və etimada əsaslanan dostluq münasibətləri formalaşıb. Biz yaxşı tərəfdaşıq. Son illərdə Çin-Gürcüstan münasibətləri irəliləyişə nail olub, siyasi əlaqələr dərinləşib və strateji əməkdaşlıq güclənib.

Çin-Gürcüstan münasibətlərinə böyük əhəmiyyət verirəm və ikitərəfli tərəfdaşlığımızı yeni zirvələrə yüksəltmək üçün sizinlə birlikdə çalışmağa hazıram.

Sizə sağlamlıq və hər şeyin ən yaxşısını arzulayıram. Gürcüstana rifah, gürcü xalqına isə xoşbəxtlik diləyirəm,” – deyə təbrik məktubunda deyilib.