Gürcüstan hakimiyyətinin müdaxiləsi ilə Azərbaycandan Ermənistana yük tranzitinin qiyməti razılaşdırıldı, bu da Azərbaycanla Gürcüstan arasında dostluq münasibətlərinin mövcudluğunu göstərir, – bu barədə Azərbaycanın xarici işlər naziri Ceyhun Bayramov ilin yekunlarına həsr olunmuş mətbuat konfransında bildirib.

Bayramovun dediyinə görə, ilkin növbədə Gürcüstanın müəyyən etdiyi rüsum həddən artıq yüksək olub.

“Bu, Azərbaycanda suallar doğurdu, çünki bu, mövcud praktikaya uyğun gəlmirdi. Qısa müddətdə Gürcüstan rəhbərliyi məsələyə müdaxilə etdi və problem həll olundu. Şirkətlər arasında bazar şərtlərinə tam uyğun rüsum razılaşdırıldı. Fürsətdən istifadə edərək Gürcüstan rəhbərliyinə təşəkkür etmək istəyirəm. Bu, Azərbaycan-Gürcüstan münasibətlərinin dostca olduğunu göstərir. Düşünürəm ki, bu məsələ öz həllini tapıb və yenidən bu yoldan istifadə olunacaq”, – deyə Ceyhun Bayramov bildirib.