Cey Di Vens bildirir ki, Böyük Britaniya illərdir öz liderlərinin idarəçiliyindən məyusdur və ümid edir ki, ölkənin gələcək baş naziri ölkəyə dəyişikliklər gətirəcək

ABŞ-ın vitse-prezidenti Cey Di Vens bildirir ki, Böyük Britaniya illərdir öz liderlərinin idarəçiliyindən məyusdur və ümid edir ki, ölkənin gələcək baş naziri seçicilərin illərdir davam edən siyasi qeyri-sabitlik fonunda gözlədikləri genişmiqyaslı struktur dəyişikliklərini həyata keçirə biləcək.

Vens bu barədə “The Sunday Times” qəzetinə verdiyi müsahibədə bildirib.

Onun sözlərinə görə, hökumətin tez-tez dəyişməsi Britaniya siyasi sistemində mövcud olan daha dərin problemlərdən xəbər verir.

“Son bir neçə ildə Britaniyanın altı baş naziri olub. Bu, mənim üçün o deməkdir ki, Britaniya siyasətində nəsə çox ciddi şəkildə pozulub və cəmiyyət real, struktur dəyişiklikləri tələb edir. “Ümid edirəm ki, Endi Bernem və ya o olmasa, başqa kimsə bu dəyişiklikləri həyata keçirə biləcək və baş nazirin kimliyindən asılı olmayaraq, Britaniyanı doğru yola qaytarmağı bacaracaq”, – Vens bildirib.