Castin Trudo Kanadanın baş naziri vəzifəsindən istefa verib

Castin Trudo Kanadanın baş naziri və hakim Liberal Partiyasının lideri vəzifəsindən istefa verib. Trudo yeni lider seçilənə qədər baş nazir vəzifəsini icra edən statusu ilə qoruyub saxlayacaq.

“Mən partiyanın yeni liderini seçdikdən sonra partiya lideri və baş nazir vəzifəsini tərk etmək niyyətindəyəm” – siyasətçi Ottavada keçirilən mətbuat konfransında bildirib.

Castin Trudo qeyd edib ki, o 2015-ci ildən baş nazir olduqdan sonra Kanada və onun əhalisi üçün, orta sinfi gücləndirmək üçün mübarizə aparırdı. Trudo, ölkənin pandemiya zamanı bir-birinə dəstək olmaq üçün necə birləşdiyini və qitədə azad ticarəti qorumaq üçün çalışdığını gördüyünü söylədi.

Castin Trudonun bildirdiyinə görə, o, ailəsi ilə uzun söhbətdən sonra istefa qərarını verib. Kanadalı siyasətçinin dediyinə görə, ölkə gələcək seçkilərdə real seçimə layiqdir və əlavə edib ki, “daxili mübarizə” səbəbindən o, kanadalı seçicilər üçün ən yaxşı namizəd ola bilməyəcək.

Castin Trudonun izah etdiyi kimi, onun baş nazirliyi dövründə yeganə peşmanlığı seçki islahatlarını həyata keçirməməsidir. Onun dediyinə görə, o, kanadalıların seçkilərdə cəmiyyətin qütbləşməsini azaldacaq ikinci və üçüncü seçimə malik olmasını istəyirdi.

Bununla yanaşı, Castin Trudo Kanada parlamentinin fəaliyyətini martın 24-dək dayandırıb və seçkilər oktyabrın 20-dək keçirilməlidir.

Castin Trudo 2013-cü ildə Liberal Partiyasının lideri oldu, partiya dərin böhran içində idi və tarixində ilk dəfə olaraq İcmalar Palatasında üçüncü yerdə qərarlaşdı.

Məlumat üçün bildirək ki, daha əvvəl media mənbələrə istinadən sorğuların mənfi nəticələrindən narahat olan liberal parlamentarilərinin sayının getdikcə artdığını, Trudonu istefaya çağırdığı barədə məlumat yayırdı.