Macarıstanda bu gün, 12 apreldə parlament seçkiləri keçirilir.

Səsvermədə beş partiya iştirak edir, lakin əsas rəqiblər hakim partiya “Fidesz” və müxalifət partiyası “Tisza”dır.

Seçkilər qarışıq sistem üzrə keçirilir — seçicilər eyni vaxtda konkret namizədə və partiya siyahısına səs verirlər. 199 parlament mandatından 106 mandat dairələrdə sadə çoxluq sistemi ilə bölüşdürülür, qalan 93 mandat isə proporsional qaydada paylanır. Parlamentə düşmək üçün partiyanın 5 faizlik həddi aşması lazımdır. Hökumət qurmaq üçün 100 mandat, konstitusiya çoxluğu üçün isə 133 mandat lazımdır.

Seçki məntəqələrində səsvermə yerli vaxtla saat 21:00-da başa çatacaq. İlk nəticələr səsvermə məntəqələri bağlandıqdan bir neçə saat sonra məlum olacaq. Seçkiləri ATƏT-in 200 nəfərlik müşahidə missiyası izləyir.