Brüsselin Şarlerua Hava Limanında tətil səbəbindən bütün reyslər ləğv edilib

Brüsselin ikinci ən böyük hava limanı olan Şarleruada cümə axşamına planlaşdırılan bütün reyslər ləğv edilib , bunun səbəbi işçilərin tətil elan etməsidir.

Medianın məlumatına əsasən, aksiyanın iştirakçıları hava limanının rəhbərliyindən iş şəraitinin yaxşılaşdırılmasını tələb edirlər. Tətil 24 saat davam edəcək.

Brüssel-Şarlerua Brüssel-Zaventemdən sonra ikinci ən böyük hava limanıdır. İldə təxminən 8 milyon sərnişinə xidmət göstərir. Bu hava limanından Kutaisi də daxil olmaqla 190-dan çox istiqamətə reyslər həyata keçirilir.