Böyük Britaniya Almaniyanın Gürcüstandakı səfirinə qarşı həyata keçirilən əsassız və aqressiv şəxsi hücumları qınayır – bu barədə Gürcüstandakı Böyük Britaniya səfirliyi sosial şəbəkədə yazır.

Bəyanatda deyildiyi kimi, Böyük Britaniya Almaniyaya qoşulur və Gürcüstan hökumətini Gürcüstana və onun xalqına Qərbin dəstəyi ilə bağlı saxta narrativlərin yayılmasını dayandırmağa çağırır.

“Böyük Britaniya Almaniyanın Gürcüstandakı səfirinə qarşı həyata keçirilən əsassız və aqressiv şəxsi hücumları qınayır. Bu, Almaniya və digər Avropa ölkələrini – onilliklərdir Gürcüstanın yanında olan tərəfdaşları – gözdən salmağa yönəlmiş düşmən dezinformasiya kampaniyasının son nümunəsidir.

Biz Almaniya ilə birlikdə Gürcüstan hakimiyyətini Qərbin Gürcüstana və onun xalqına dəstəyi ilə bağlı yalan xəbərlər yaymağı dayandırmağa çağırırıq”, – səfirliyin yaydığı bəyanatda deyilir.