Böyük Britaniya müttəfiqləri ilə birlikdə Hörmüz boğazını yenidən açmaq üçün çalışır. Bu barədə Böyük Britaniyanın Enerji Naziri “Sky News”a müsahibəsində bildirib.

Ed Miliband qeyd edib ki, münaqişənin deeskalasiyası boğazın yenidən açılması üçün ən yaxşı yoldur və ölkəsi Rusiyaya qarşı sanksiyaları saxlamaqda davam edəcək.

“Boğazın yenidən açılması hamının maraqlarına uyğundur. Həmçinin demək istəyirəm ki, bizə də bu böhranın deeskalasiyası lazımdır, çünki boğazın yenidən açılmasının ən yaxşı və ən inandırıcı yolu bu münaqişənin başa çatmasıdır. Böyük Britaniya baxımından, biz Rusiyaya qarşı sanksiyaları davam etdiririk. Biz düşünürük ki, bu məsələlərlə bağlı Putinə aydın bir mesaj göndərmək olduqca vacibdir. Lakin daha geniş mənzərə budur ki, biz bu münaqişəyə son qoymağa çalışmalıyıq, bu münaqişənin həftələrlə və aylarla davam etməsi heç kimin maraqlarına uyğun deyil”, – deyə Böyük Britaniyanın Energetika naziri qeyd edib.