BMT Təhlükəsizlik Şurasının üzvləri ABŞ ilə Venesuela arasında gərginlik səbəbindən narahatlıqlarını ifadə edirlər.

Rusiyanın BMT-dəki daimi nümayəndəsi Vasili Nebenzia iclasda bildirib ki, ABŞ heç bir araşdırma aparmadan atəş açıb və indi hamının göyərtədə cinayətkarların olduğuna inanmasını istəyir. Onun sözlərinə görə, Venesuelanın ABŞ-ın təhdidlərdən əməli hərəkətlərə keçməyə hazır olduğunu düşünməyə əsasları var.

Fransa, Yunanıstan və Danimarka ABŞ və Venesuelanı vəziyyətin deeskalasiyasına və dialoqa getməyə, həmçinin beynəlxalq hüquqa riayət etməyə çağırıblar.

BMT-də Venesuelanın səfiri Samuel Monkada isə bəyan edir ki, Vaşinqtonun hərbi hərəkətləri səbəbindən ölkəsi silahlı hücum gözləyir.

Məlumat üçün bildirək ki, son həftələr ərzində ABŞ Venesuela sahilləri yaxınlığında bir neçə gəmiya hücum edib və həmin gəmilərin narkotik daşıdığını bildirib.