BMT-nin mətbuat katibi Stefan Dujarikin bildirdiyinə görə, Qəzza sektorunda müharibənin başlanmasından bəri ən ağır humanitar vəziyyət yaşanır.

Stefan Dujarikin qeyd etdiyi kimi, yalnız son iki həftə ərzində təxminən 200 000 insan məcburi köçkün vəziyyətinə düşüb. Onun söylədiyinə görə, Qəzzaya daxil olan yardım orada yaşayan 2,1 milyon insan üçün kifayət deyil.

“Hücumlar Qəzza miqyasında, xüsusilə Qəzzanın şimalında, son olan və qismən fəaliyyət göstərən Əl-Avda xəstəxanasının boşaldıldığı bölgədə davam edir. Hücumlar həmçinin, cənubda, Deyr Əl-Balah, Əl-Bərəc və Əl-Nusra düşərgələrində davam edir. Biz xalqın əziyyətini yüngülləşdirmək istəyirik”, – deyə BMT-nin mətbuat katibi bildirib.