Son 24 saat ərzində Hörmüz boğazında heç bir hücum qeydə alınmayıb, – bu barədə Birləşmiş Krallığın Dəniz Monitorinqi Agentliyinin “Birləşmiş Krallıq Dəniz Ticarət Əməliyyatları”nın bəyanatında qeyd olunub.

Monitorinq Agentliyinin məlumatına görə, ABŞ və İsrailin 1 mart tarixindən etibarən İrana qarşı birgə zərbə həyata keçirməsindən sonra ticarət gəmilərinə və dəniz infrastrukturuna ən azı 29 dəniz hadisəsi qeydə alınıb.

İranda bildirirlər ki, əhəmiyyətli dəniz nəqliyyat dəhlizində qərb gəmilərinin bombalanması cavab tədbiridir, lakin monitorinq qrupu göstərir ki, hədəflərin seçilməsində heç bir ardıcıl sxem müşahidə olunmur.

“Birləşmiş Krallıq Dəniz Ticarət Əməliyyatları”nın qiymətləndirməsinə görə, İranın taktikası konkret gəmilərə qarşı hədəfli hücum deyil, “geniş dəniz xaosunun yaradılmasıdır”.