Benyamin Netanyahunun ofisi – Rəcəb Tayyib Ərdoğan antisemit diktatordur, İsrail Türkiyənin regionu qeyri-sabitləşdirmək cəhdlərinə qarşı güc tətbiq etməyə davam edəcək

İsrail hökuməti Türkiyə prezidenti Rəcəb Tayyib Ərdoğanı antisemit diktator adlandırır və bildirir ki, o, indi İsrailə qarşı təcavüzü Suriyaya yaymağa çalışır.

Benyamin Netanyahunun ofisinin bildirdiyinə əsasən, Ərdoğan kürdləri məhv edən, “HƏMAS” terrorçularına sığınacaq verən, Kiprin yarısını işğal edən və ona qarşı olan rekord sayda jurnalist və siyasətçini həbs edən antisemit diktatordur.

“Ərdoğanın Yaxın Şərqdə yeganə həqiqi demokratiya olan İsrailin liderlərini və əsgərlərini qorxutmaq üçün göstərdiyi acınacaqlı cəhd nəticəsiz qalacaq. İsrail Türkiyənin regionu qeyri-sabitləşdirmək cəhdlərinə və öz təhlükəsizliyinə qarşı istənilən təhdidə qarşı güc tətbiq etməyə davam edəcək”, – bəyanatda deyilib.