Barselonada tətil edən müəllimlər Sagrada Familianın girişini bloklayıblar

Barselonada tətil edən müəllimlər Saqrada Familiyanın girişini bağlayıblar. İspaniya mediasının məlumatına görə, Kataloniyada müəllimlər regional büdcənin müzakirəsi və təhsil sahəsinin problemlərinə dair davam edən danışıqlar fonunda tətilə başlayıblar.

Barselonada tətil edənlər Sagrada Familiaya gedən yolları bağlayıblar.

Müəllimlər “canlı zəncir” yaradıblar və bu zəncir vasitəsilə yaxınlıqdakı məktəbdən məbədə qədər masalar və stullar daşıyıblar və küçədə müvəqqəti (improvizə olunmuş) sinif otağı qurublar.

Aksiya təşkilatçılarından birinin bildirdiyinə görə, Barselona “turizmə daha az sərmayə qoymalı, təhsil hüququ kimi fundamental hüquqların qorunmasına isə daha çox diqqət ayırmalıdır”.

Son həftələr ərzində İspaniya müəllimləri yalnız Kataloniyada tətil elan etməyiblər. Etiraz aksiyaları Valensiya və Madriddə də keçirilib. Müəllimlər bir müəllimə düşən şagirdlərin həddindən artıq çox olmasından, təhsil müəssisələrində qeyri-qənaətbəxş şəraitdən və xüsusi qayğıya ehtiyacı olan şagirdlər üçün köməkçilərin çatışmazlığından narazılıqlarını bildirirlər.