Barışıq və vətəndaş bərabərliyi məsələləri üzrə dövlət naziri Qoridə olub. Tea Axvlediani 2008-ci ilin avqust müharibəsində həlak olan qəhrəmanların xatirəsini ehtiramla yad edib və yerli hakimiyyətin nümayəndələri ilə birlikdə qəhrəmanların memorialını əklillə bəzəyib.

Qori və Ateninin mitropoliti möhtərəm Andria müharibədə həlak olanların ruhları üçün memorial yaxınlığında anım duası edib.

“Hərbi və mülki qəhrəmanlarımızın qarşısında baş əyirik. Mən onların xatirəsinə xüsusi ehtiram göstərmək və ailələrinə, bütün Gürcüstana dərin hüznlə başsağlığı vermək istəyirəm. Beynəlxalq hüququn əsas prinsiplərinə tamamilə məhəl qoyulmadan bu günə qədər ölkəmizdə işğal davam edir və bu ağır nəticələrə müqavimət göstərilməsi ölkəmizin əsas çağırışıdır, yalnız sülh yolu ilə, vahid hökumət yanaşması və beynəlxalq tərəfdaşlarımızla sıx əməkdaşlıqla onun öhdəsindən gəlməyi nəzərdən keçiririk. Qətiyyətlə inanıram ki, ardıcıl siyasətlə, sülhü möhkəmləndirməklə və gələcək inkişafla məqsədimizə mütləq nail olacağıq” – Axvlediani bildirib.