Banqladeşdə daşqınlar nəticəsində azı 44 nəfər həlak olub, bir milyondan çox vətəndaş isə öz evinə qayıda bilmir

Banqladeşdə daşqınlar nəticəsində azı 44 nəfər həlak olub, bir milyondan çox vətəndaş isə öz evinə qayıda bilmir.

Xarici medianın məlumatına görə, daşqınlara musson yağışları səbəb olub, ölkənin bir çox rayonunda çaylar məcrasından çıxıb və torpaq sürüşmələrinə səbəb olub.

Banqladeşin Fəlakətlərin İdarə Edilməsi Nazirliyinin bildirdiyinə görə, ölkənin yeddi əyalətində 267 000-dən çox insan evsiz qalıb.

Medianın məlumatına görə, minlərlə insan aclıq həddindədir, onlara kömək etmək üçün ordu və hərbi dəniz qüvvələri qayıqlarla qida, içməli su, dərman və digər zəruri ləvazimatlar çatdırır.

“Reuters”in məlumatına görə, Banqladeşdə musson yağışları zamanı daşqınlar tez-tez baş verən hadisədir. Alimlərin sözlərinə görə, iqlim dəyişikliyi ekstremal yağıntıları daha tez-tez və intensiv edir ki, bu da fəlakətlərin miqyasını artırır.