Sabah ölkənin müstəqilliyi ilə bağlı referendum günüdür, Prezident sabah ictimaiyyətə müraciət edib, cari proseslərdən danışmaq niyyətindədir, – Bu barədə “Güclü Gürcüstan”ın liderlərindən biri Badri Caparidze Gürcüstanın sabiq prezidenti Salome Zurabişvili ilə görüşündən sonra bildirib.

“Söhbət sabahki gündən, onun ölkəmizin tarixindəki əhəmiyyətindən gedirdi. Prezident sabah bu günü qeyd etməyə toplaşacaq ictimaiyyətə müraciət etmək niyyətindədir. Hazırda davam edən proseslərə münasibət bildirəcək.

Sabah ölkənin müstəqillik referendumunun keçirildiyi gün olmaqla yanaşı, mühüm etiraz günlərindən biri olduğu üçün özlüyündə mühüm bir gündür. Bu günə bundan artıq əhəmiyyət vermək mümkün deyil”,- Badri Caparidze bildirib.