Bəhreyn Xarici İşlər Nazirliyi – İranın hücumu təhlükəli bir eskalasiyadır

Bəhreyn İranın onların ərazisinə bir neçə ballistik raket və pilotsuz uçuş aparatı (PUA) ilə hücum etdiyini bildirib və ölkənin Xarici İşlər Nazirliyi bunu “təhlükəli eskalasiya” adlandırıb.

Onların bildirdiyinə görə, hücum İranın Bəhreynin suverenliyinə, ölkə vətəndaşlarının və sakinlərinin təhlükəsizliyinə qarşı “sistematik aqressiv hərəkətlərin təkrarlanan praktikasına” malik olduğunu göstərir.

Bununla yanaşı, Bəhreyn Daxili İşlər Nazirliyinin məlumatına görə, İranın hücumu nəticəsində yaşayış binalarından biri ciddi zərər görüb. Qurumun bəyanatında hücum zamanı tələfat olmadığı bildirilir.

Hakimiyyət əhalini təhlükəsiz ərazilərdə qalmağa çağırıb.

İran İslam İnqilabı Keşikçiləri Korpusu daha əvvəl ABŞ-ın İran ərazisinə hava hücumlarına cavab olaraq Küveyt və Bəhreyndə yerləşən ABŞ hərbi obyektlərinə zərbələr həyata keçirdiyini bildirib.