Azərbaycan mətbuatının məlumatına əsasən Azərbaycanın qeyri-hökumət təşkilatları artıq 6 saatdır ki, Rusiya hərbçilərinin nəzarət-buraxılış məntəqəsi yaxınlığında etiraz aksiyası keçirirlər

Azərbaycan mətbuatının məlumatına əsasən Azərbaycanın qeyri-hökumət təşkilatları artıq 6 saatdır ki, Rusiya hərbçilərinin nəzarət-buraxılış məntəqəsi yaxınlığında etiraz aksiyası keçirirlər.

Aksiya iştirakçıları bildirirlər ki, azərbaycanlı mütəxəssislərə Azərbaycan yataqlarının qanunsuz istismarının monitorinqinə yox cavabı verilib.

Azərbaycanlı nümayişçilər Rusiya sülhməramlı qüvvələrinin komandanı Andrey Volkovun əraziyə gəlməsini tələb edirlər. İctimai fəallar çadırlar qurublar və çox güman ki, gecə saatlarında etirazlarını davam etdirəcəklər.

Söhbət Qızılbulaq qızıl və Dəmirli mis-molibden yataqlarından gedir. Bakıda bildirirlər ki, “Azərbaycan ərazisində təbii sərvətlər yataqlarını talayırlar”. Azərbaycan Dağlıq Qarabağda təbii sərvətlərin qanunsuz istismarı ilə bağlı Rusiyaya diplomatik nota da verib.

Öz növbəsində, erməni mətbuatı yazır ki, “azərbaycanlılar artıq altı saatdır Ermənistan və Artsaxı (Dağlıq Qarabağ) birləşdirən magistral yolu bağlayıblar”.

Onların verdiyi məlumatda qeyd olunub ki, “azyaşlı uşaqlar da daxil olmaqla yüzlərlə insan hərəkətin dayandığı yolda qalıb. Dərmanların daşınması da mümkün olmur ki, bu da humanitar vəziyyəti daha da ağırlaşdırır”.

“Kavkazskiy uzel”in məlumatına görə, rus hərbçilər əraziyə zirehli texnika gətiriblər və onların olduğu yerə gedən yolu bağlayıblar.

İndilərdə Rusiya prezidenti ilə Ermənistanın baş naziri arasında telefon danışığının baş tutduğu da məlum olub. Erməni tərəfinin məlumatına əsasən, Putin və Paşinyan “Laçın dəhlizi ətrafında vəziyyətin tənzimlənməsini müzakirə ediblər”.