Abu-Dabidə Ermənistanın baş naziri Nikol Paşinyan və Azərbaycan Prezidenti İlham Əliyev arasında görüş başa çatdı.

Azərbaycan mediasının məlumatına görə, liderlər arasında görüş konstruktiv atmosferdə keçib.

Yayılan məlumata görə, Ermənistan və Azərbaycan arasında sülh gündəminin mühüm aspektləri üzrə, o cümlədən sərhədin delimitasiyası, Zəngəzur dəhlizinin açılması və inkişafı, sülh sazişinin paraflanması və digər məsələlər barədə çox ciddi və əsaslı müzakirələr aparılıb. Bu təmasların və danışıqların həm müxtəlif işçi qrupları çərçivəsində, həm də daha yüksək səviyyədə davam etdirilməsi barədə ümumi razılıq əldə edilib.

Ermənistan və Azərbaycan liderləri arasında görüş həm geniş, həm də təkbətək formatda keçirilib.