Azərbaycan hökuməti “COVID-19” ilə bağlı xüsusi karantin rejimini 2026-cı il yanvarın 1-dək uzadıb

21:57, 22.09.2025

Azərbaycan hökuməti “COVID-19” ilə bağlı xüsusi karantin rejimini yenidən uzadıb. Bu barədə qərar ölkənin Nazirlər Kabineti tərəfindən qəbul edilib. Sərəncamı Baş nazir Əli Əsədov imzalayıb.

Azərbaycan mediasının məlumatına görə, ölkədə koronavirus infeksiyasının yayılması və onun səbəb olduğu fəsadların qarşısının alınması məqsədilə Azərbaycan Respublikasının ərazisində xüsusi karantin rejiminin müddəti 2026-cı ilin 1 yanvar saat 06:00-dək uzadılıb.

Yazda qəbul edilmiş qərara əsasən, xüsusi karantin rejiminin müddəti cari ilin 1 oktyabr tarixində, saat 06:00-da başa çatırdı.

Məlumat üçün bildirək ki, Azərbaycanının quru sərhədi 2020-ci ilin yazından COVID pandemiyası səbəbindən bağlıdır. Ölkəyə giriş hazırda yalnız hava yolu ilə mümkündür.

Müəllif - Nino Pashayeva

Dünya