“Güclü Gürcüstan”ın “seçkilərdə” iştirak etmək qərarı ilə razı deyilik”, – bu barədə “Azadlıq Meydanı” partiyasının bəyanatında qeyd olunub.

Bəyanatda deyildiyi kimi, “Azadlıq Meydanı” partiyası boykota fokuslanacaq.

“Güclü Gürcüstan”ın “seçkilərdə” iştirak etmək qərarı ilə razı deyilik. Bu, onların seçimidir, amma bu, qalan hər kəs üçün siyasi riskdir. Buna baxmayaraq, biz qarşıdakı ayları daxili müxalifət döyüş meydanına çevirməyə həsr etmək fikrində deyilik; Bizim əsas hədəfimiz rusiyayönlü “Gürcü Arzusu” partiyasıdır.

“Azadlıq Meydanı” partiyası olaraq biz aktiv boykota və alternativ, demokratik və inklüziv siyasi prosesin təşkilinə fokuslanacağıq. Resurslarımızı məhz bu istiqamətə yönəldəcəyik”, – deyə bəyanatda deyilib.

Məlumat üçün bildirək ki, “Lelo – Güclü Gürcüstan” koalisiyası özünüidarəetmə seçkilərində iştirak edəcək. Qeyd etmək lazımdır ki, 2024-cü il parlament seçkilərində “Azadlıq Meydanı” da “Lelo” ilə birlikdə “Güclü Gürcüstan” koalisiyasında yer almışdı.