Qanuni etirazın dinlənilməsi və müzakirə edilməsi lazım olsa da, iğtişaşda iştirak edənlərə və düşmənlə əlaqəli elementlərə qarşı qəti tədbirlər görülməlidir, – bu barədə İranın ruhani lideri Ayətullah Xamenei bildirib.

İranın ruhani liderinin iddiasına görə, iğtişaşın iştirakçıları cəmiyyətin tələblərindən istifadə edərək xaos və təhlükəsizlik yaratmağa çalışırlar.

Ayətullah Xamenei bildirib ki, bazar və ticarətçilər İslam sisteminin və İslam İnqilabının ən sadiq seqmentlərindən biridir və qeyd edib ki, İslam Respublikası ilə bazar adı altında qarşıdurma mümkün deyil.

Ayətullah Xamenei milli valyutanın məzənnəsinin düşməsinə qarşı ticarətçilərin etirazını “əsaslı narahatlıq” olaraq qiymətləndirdi və dedi ki, tacirlər haqlı olaraq belə şəraitdə iş apara bilməyəcəklərini iddia edirlər.

Ayətullah Xamenei əlavə edib ki, ölkənin rəsmi şəxsləri, o cümlədən prezident və digər yüksək vəzifəli şəxslər problemi tanıyırlar və həll yolu axtarırlar. Xamenei bildirib ki, təxribat məqsədilə İslam, İran və İslam Respublikası əleyhinə şüarlar səsləndirən və ya düşmənin kirayəyə götürdüyü şəxsləri təxribata çəkmək qəbuledilməzdir.

Ayətullah Xamenei “etirazların qanuni olduğunu, lakin etirazların iğtişaşlardan fərqli olduğunu” qeyd edib və rəsmi şəxslərin etirazçılarla dialoqa getməli olduğunu, lakin iğtişaşçılarla danışmağın nəticəsiz olduğunu və onlarla qəti şəkildə mübarizə aparılmalı olduğunu deyib.