İranın ruhani lideri Ayətullah Əli Xamenei Donald Trampa müraciət edir “xəyal qurmağa davam et”. Ruhani lider ABŞ liderini kəskin tənqid edərək qeyd edir ki, İranın nüvə sənayesi olub-olmayacağına qərar vermək Vaşinqtonun səlahiyyətində deyil.

“Xəyal et, amma sən kimsən ki, təkcə nüvə sənayesinə sahib olduğuna görə bir ölkəyə qaydalar tətbiq edəsən? İranın nüvə potensialına malik olub-olmayacağının ABŞ-la nə əlaqəsi var? Belə müdaxilə qəbuledilməz, yanlış və zalimcəsinədir”, – Xamenei deyir.

Ayətullah Əli Xamenei nüvə sazişi barədə də danışır.

“ABŞ prezidenti deyir:”Məcburi razılaşma razılaşma deyil, bu, zorla qəbul etdirməkdir. İran xalqı buna tabe olmayacaq. Siz digər ölkələrə təsir etdiyiniz kimi İrana da təsir edə bilməzsiniz”, – İranın ruhani lideri bildirir.

Ayətullah Əli Xamenei Amerika şəhərlərində keçirilən genişmiqyaslı etirazlarla bağlı Donald Trampa münasibət bildirir.

“Əgər bu qədər qüdrətlidirsə, ABŞ-ın bütün ştatlarında ona qarşı çıxan milyonlarla insanı sakitləşdirsin”, – Xamenei bildirir.