Gürcüstan İnfrastruktur Nazirliyinin Avtomobil Yolları Departamenti beynəlxalq əhəmiyyətli Tbilisi-Senaki-Leselidze avtomagistralının 26-cı kilometrində köhnə Araqvi körpüsünün yaxınlığında yeni körpünün tikintisi davam edir. Bu barədə məlumatı Avtomobil Yolları Departamenti yayır.

Onların məlumatına görə, hazırkı mərhələdə körpünün 4 sütununun tikintisi başa çatıb, beşinci sütunun tikintisi isə yekunlaşma mərhələsindədir.

“Paralel olaraq 73 metrlik metal dayaqların quraşdırılması işləri aparılır, işlər intensiv şəkildə davam etdirilir”.

Layihənin tamamlanmasından sonra yeni körpü, ən çox yüklənmiş avtomobil yolunun hissələrindən birində təhlükəsizliyini və keçid qabiliyyətini əhəmiyyətli dərəcədə yaxşılaşdıracaq. 1973-cü ildə inşa edilmiş mövcud körpü tez-tez təmir işlərinə ehtiyac duyurdu, bu isə müvəqqəti olaraq hərəkəti məhdudlaşdırır və sərnişinlərə narahatlıq yaradırdı.

Yeni körpü nəqliyyat təhlükəsizliyini gücləndirməklə yanaşı, Gürcüstanın tranzit funksiyasını əhəmiyyətli dərəcədə möhkəmləndirəcək. Layihə dövlət büdcəsindən maliyyələşdirilir, onun təxmini dəyəri 20 milyon lari təşkil edir. Əhali 2026-cı ildən yeni körpüdən istifadə edə biləcək”, – Avtomobil Yolları Departamentinin məlumatında deyilib.