Avropa Komissiyası USAID-in maliyyələşdirilməsinin dayandırılması nəticəsində yaranan boşluğu doldurmaq üçün AgoraEU proqramı çərçivəsində vətəndaş cəmiyyəti təşkilatlarının maliyyələşdirilməsinə 8,6 milyard avro ayırmağı planlaşdırır, – bu barədə Avropalı parlamentari Kinqa Qalli sosial şəbəkədə yazır.

Onun qiymətləndirməsinə görə, bu, vəsaitlərin yanlış istiqamətə yönləndirilməsidir.

“Bunlar əsl QHT-lər deyil, demokratik yolla seçilmiş mühafizəkar hökumətləri hədəf alan və liberal gündəmi təbliğ edən siyasi fəal şəbəkələridir”, – Qalli yazır.

Avropalı parlamentarinin qeyd etdiyi kimi, bu təşkilatlar Avropa Komissiyasının siyasi məqsədlərinə xidmət edirlər və tabe olmaqdan imtina edən hər kəs hücuma məruz qalır.

Bununla yanaşı, Avropalı parlamentari bu təcrübəyə son qoymağa çağırır.

“Bəsdir! Avropa vergi ödəyicilərinin pullarının üzv dövlətlərin maraqlarına zidd işləyən “QHT-lərə” axıdılmasına son qoyulmasının vaxtıdır”, – Kinqa Qalli yazır.