2025-ci ilin illik tədqiqatı bir daha təsdiqləyir ki, Gürcüstan vətəndaşlarının əksəriyyəti gələcəklərini Avropa İttifaqında görür, – bu barədə Avropa İttifaqının Gürcüstandakı nümayəndəliyinin yaydığı məlumatda deyilib.

Onların məlumatına görə, tədqiqata əsasən, əgər bu gün referendum keçirilsə, respondentlərin 74%-i Avropa İttifaqına üzvlüyü dəstəkləyərdi, 80%-i isə hesab edir ki, bu addım ölkəyə zərərdən daha çox fayda gətirəcək.

“Avropa İttifaqı Gürcüstanın ən etibarlı beynəlxalq tərəfdaşı olaraq qalır – vətəndaşların 67%-i ona güvənir. Avropa İttifaqının dəstəyi ilə bağlı məlumatlılıq hələ də yüksək olaraq qalır və 70%-i ötür. Rəqəmlərin arxasında isə vətəndaşlar Avropa İttifaqı üzvlüyünü sülhə və təhlükəsizliyə aparan yol, övladları üçün daha yaxşı gələcək və həyat keyfiyyətinin yaxşılaşdırılması kimi qəbul edirlər. Bu nəticələr göstərir ki, Avropa İttifaqı–Gürcüstan tərəfdaşlığı təkcə siyasi xarakter daşımır – o, Gürcüstan əhalisinin iradəsinə və istəklərinə əsaslanır”, – Avropa İttifaqının Gürcüstandakı nümayəndəliyinin məlumatında deyilib.