Antonio Koşta – Beynəlxalq hüquq pozulduğu zaman Avropa İttifaqı neytral ola bilməz, biz neytral deyilik, biz Ukraynanın tərəfdarıyıq

Avropa Şurasının prezidenti Antonio Koşta Kiyevdə Müstəqillik Gününə həsr olunmuş tədbirdə Ukraynaya sarsılmaz dəstəyini növbəti dəfə təsdiqləyib.

“Müharibə dövründə, gələcək sülh danışıqlarında və həmçinin bərpa prosesində nə qədər və nə qədər müddət lazımdırsa, maksimum dəstək göstərməyə davam edəcəyik, çünki bizim baxışımız müharibə hüdudlarını aşır. Ukraynanın Avropa İttifaqındakı gələcəyi həm Ukraynanın, həm də bütövlükdə Avropanın təhlükəsizliyinin və uzunmüddətli demokratik sabitliyinin ən yaxşı təminatıdır”, – Avropa Şurasının prezidenti bildirib.

Onun sözlərinə görə, tammiqyaslı müharibənin başlamasından dörd ildən çox vaxt keçməsinə baxmayaraq, Rusiya öz məqsədlərinə nail ola bilməyib.

“İnsan itkiləri fəlakətli, iqtisadi nəticələri isə dağıdıcı olub”, – Koşta qeyd edib.

Onun qeyd etdiyi kimi, Rusiya qətlləri dayandırana və sülhə sadiqliyini nümayiş etdirənə qədər təzyiqlər davam edəcək.

“Beynəlxalq hüquq pozulduğu zaman Avropa İttifaqı neytral ola bilməz, biz neytral deyilik, biz Ukraynanın tərəfdarıyıq”, – Koşta qeyd edib.