Yaxın Şərq qlobal miqyasda ciddi nəticələrə səbəb olacaq daha genişmiqyaslı müharibənin astanasındadır, – bu barədə BMT-nin Baş katibi Antonio Quterreş bildirib.

Quterreş ABŞ və İsraili müharibəni dayandırmağa, İranı isə qonşu ölkələrə hücumlarını dayandırmağa çağırıb.

Quterreş qeyd edib ki, İranın Hörmüz boğazını blokada etməsi hazırda dünyanın hər yerində artan ərzaq və enerji qiymətləri ilə mübarizə aparan insanların gündəlik həyatına təsir göstərir.

BMT-nin Baş katibi bildirib ki, diplomatik səylər davam edir, lakin münaqişələr yalnız liderlər məhvetmə yerinə dialoqu seçdikdə başa çatır.

“Münaqişənin bir çox aspektləri qeyri-müəyyən ola bilər, amma bir şey aydındır: əgər müharibənin təbilləri çalınmağa davam edərsə, eskalasiya bütün bunları yalnız pisləşdirəcək”, – Quterreş bildirib.