Anri Oxanaşvili – Mayın 10-da doqquz bənddən irəli gələn düzəlişlər üzərində işi davam etdirəcəyik, şəffaflıq qanun layihəsini isə mayın 13-də komitədə müzakirə edəcəyik

 
Parlamentin Hüquq Məsələləri Komitəsinin sədri Anri Oxanaşvili bildirib ki, mayın 10-da keçiriləcək komitənin iclasında Avropa İttifaqına üzvlük üçün müəyyən edilmiş 9 bəndlə əlaqəli məsələlər, mayın 13-də isə şəffaflıq qanun layihəsi müzakirə ediləcək.

“Cümə günü, mayın 10-da biz Avropa Komissiyasının ölkəmizin Avropa İttifaqına üzv olması üçün müəyyən etdiyi doqquz bənddən irəli gələn qanunvericilik dəyişiklikləri üzərində işi davam etdirəcəyik.

Bu səbəbdən, komitənin iclasında yalnız Avropa İttifaqının doqquz bəndi ilə əlaqəli hazırlanan qanunvericilik dəyişikliklərinə 2-ci oxunuşda baxılacaq.

Şəffaflıq qanun layihəsini isə mayın 13-də komitədə müzakirə edəcəyik. Heç olmasa Möhtəşəm Yeddilikdə yalanı yaymaqdan çəkinin. Məsih dirildi! Bir daha hər kəsi əzəmətli Pasxa bayramı münasibətilə təbrik edirəm”- Oxanaşvili yazır.