Polşa prezidenti Anjey Duda Ukraynanın kənd təsərrüfatı məhsullarının idxalının birtərəfli qaydada qadağan edilməsi qərarının düzgün olduğunu bildirib. Məlumatı PAP yayır.

“Düşünürəm ki, Polşa hökumətinin Polşa bazarında Ukrayna taxılının satışına qoyulan qadağanı saxlaması düzgün qərar idi. Bununla belə, tam əminəm ki, maksimum tranziti təmin etmək üçün hər şey edilməlidir”, – Polşa prezidenti bildirib.

Eyni zamanda, Anjey Duda deyib: “Polşa fermerləri ölkənin ərzaq təhlükəsizliyini təmin edirlər və buna görə biz heç vaxt öz minnətdarlığımızı kifayət qədər ifadə edə bilmərik”.

Onun sözlərinə görə, Ukrayna taxılı ehtiyacı olan ölkələrə çatmayıb ancaq Polşa kimi bazarlara çıxıb.

“Polşa hökuməti polşalı fermerləri dəstəkləmək, bazarımızı və kənd təsərrüfatımızı qorumaq üçün radikal addımlar atmalı idi”, – Duda bildirib.