Ancey Duda – Ukraynasız Ukraynanın gələcəyi ilə bağlı hər hansı müqavilə imzalamaq mümkün deyil

Polşa prezidenti Ancey Dudanın bildirdiyinə görə, Ukrayna öz gələcəyi ilə bağlı gedən danışıqlarda mütləq iştirak etməlidir.

“Ukraynasız Ukraynanın gələcəyi ilə bağlı hər hansı müqavilə imzalamaq mümkün deyil”, – Duda mediaya müsahibəsində bildirdi və əlavə etdi ki, Polşa bunun üçün mübarizə aparmalıdır.

Ancey Dudanın söylədiyinə görə, bu məsələdə Polşa öz çətin, o cümlədən İkinci Dünya Müharibəsinə son qoyan müqavilələri ilə bağlı tarixi təcrübəsinə əsaslanır.

“Əgər biz bu gün Ukraynanın danışıq masası arxasında olması üçün mübarizə aparmasaq, o zaman belə praktika gələcəkdə də təkrarlana bilər. Biz mübarizə aparmalıyıq ki, bir daha belə bir şey olmasın”, – Polşa prezidenti bildirib.