ABŞ dövlət katibi Marko Rubio və Ukrayna Prezident Ofisi rəhbəri Andrey Yermak telefon danışığı zamanı Rusiyanın Ukraynaya hücumlarını və təhlükəsizlik zəmanətlərini müzakirə ediblər.

Ukrayna Prezident Ofis rəhbərinin sosial şəbəkədə yazdığı kimi, o, ABŞ-ın dövlət katibinə telefon danışığı zamanı Rusiya tərəfindən həyata keçirilən davamlı zərbələr barədə məlumat verib.

“Bu zərbələr nəticəsində dinc sakinlər, o cümlədən uşaqlar həlak olurlar, infrastrukturumuz məhv edilib. Düşmən ilk dəfə Ukrayna hökumət binasına hücum edib”, – Yermak yazır.

Bununla yanaşı, Rubio və Yermak təhlükəsizlik zəmanətləri, Ukraynanın müdafiəsinə dəstək, Rusiyaya qarşı sanksiyaların sərtləşdirilməsi və tərəfdaşlarla koordinasiya məsələlərini müzakirə ediblər.

“Putin yalnız gücü başa düşür və bu müharibəni dayandırmaq istəmir. Rusiyaya təzyiq davam etməlidir. Bizim məqsədimiz davamlı sülhdür və biz buna nail olmalıyıq”, – Yermak yazır.

Bununla yanaşı, Yermak Rubioya ABŞ prezidenti Donald Trampın Rusiyanın Ukraynaya qarşı müharibəsinə son qoymaq səylərinə rəhbərlik etdiyinə görə təşəkkür edib.

“Mən ədalətli sülhə nail olmaq üçün çox işlər görən ABŞ dövlət katibi Marko Rubioya da təşəkkür edirəm. Biz işə davam edirik”, – Yermak yazır.