Andrey Sibiqa – Əgər Rusiya həqiqətən sülh istəyirsə, atəşi dərhal dayandırmalıdır, biz niyə mayın 8-nə qədər gözləməliyik?

Əgər Rusiya həqiqətən sülh istəyirsə, atəşi dərhal dayandırmalıdır, biz niyə mayın 8-nə qədər gözləməliyik? – Ukraynanın xarici işlər naziri Andrey Şibiqa mayın 8-də Kremlin birtərəfli “atəşkəs” elanı ilə bağlı bəyanatına belə münasibət bildirib.

“Rusiya həqiqətən sülh istəyirsə, dərhal atəşi dayandırmalıdır. Nəyə görə mayın 8-nə qədər gözləməliyik? Əgər atəşkəs indi əldə oluna bilərsə və istənilən 30 gün ərzində sükut saxlanıla bilərsə – bu, sadəcə parad üçün jest deyil, real addım olardı”, – Sibiqa sosial şəbəkədə yazır.

O, həmçinin vurğulayıb ki, Ukrayna uzunmüddətli, davamlı və tam atəşkəs rejimini dəstəkləməyə hazırdır.

“Biz bunu davamlı olaraq – ən azı 30 gün ərzində təklif edirik”, – Ukraynanın xarici işlər naziri yazır.

Xatırladaq ki, Rusiya prezidenti Vladimir Putin İkinci Dünya Müharibəsində qələbənin 80 illik yubileyinin qeyd olunduğu günlərdə Ukraynada atəşkəs elan edib.