Rusiyanın ümidlərinə baxmayaraq, Avropanın Ukraynaya dəstəyi sarsılmazdır, – bu barədə Ukraynanın xarici işlər naziri Andriy Sibiqa Avropa İttifaqının Ukraynaya 90 milyard avro kredit vermək qərarına belə münasibət bildirib.

Sibiqanın sözlərinə görə, Avropa İttifaqının Ukraynaya 2026-2027-ci illərdə 90 milyard avro maliyyə yardımı göstərmək qərarı vaxtında və qətiyyətlidir.

“Ukrayna maliyyə təhlükəsizliyinə zəmanət aldı. Rusiya ümidlərinə baxmayaraq, Avropanın Ukraynaya dəstəyi sarsılmazdır. Rusiya aktivləri dondurulmuş qalır. Avropa vahid və güclü qalır”, – Sibiqa yazır.

Ukraynanın xarici işlər naziri Avropa Komissiyasının sədri Ursula fon der Layenə və Avropa İttifaqına üzv dövlətlərə göstərdikləri sarsılmaz dəstəyə görə təşəkkür edib.