Almaniyanın müdafiə naziri Kristin Lambrext Polşanın “Patriot” sistemlərini birbaşa Ukraynaya göndərmək tələbinin əvvəlcə NATO-da müzakirə edilməli olduğunu bildirir.

Lambrext NATO-nun müdafiə sistemlərinin onun ərazisindən kənarda istifadəsi üçün bütün üzvlərin razılığına ehtiyacın olduğunu bildirib.

Polşanın müdafiə naziri bu yaxınlarda Berlinin “Patriot” hava hücumundan müdafiə sistemlərini Polşa əvəzinə birbaşa Ukraynaya göndərməli olduğunu açıqlayıb. Sözügedən bəyanat Almaniyanın Polşanın hava hücumundan müdafiəsini gücləndirmək üçün raket komplekslərinin yerləşdirilməsində Polşaya yardım təklif etməsindən sonra Polşa tərəfindən verilib.

“Polşanın çətin anlarda da bir-birini dəstəkləyəcək müttəfiqlərə arxalana bilməsi bizim üçün vacibdir” – deyə Almaniyanın müdafiə naziri bildirib.