Almaniyanın xarici işlər naziri Yohan Vadepul Baltik dənizindəki təxribat fonunda Baltik regionunda təhlükəsizliyi gücləndirmək istədiyini bildirir.

“Mən hesab edirəm ki, Baltik regionu hələ də cəmiyyətdən çox az diqqət alır və mən səlahiyyət müddətim ərzində ona daha çox diqqət yetirmək istəyirəm. Vəziyyət qeyri-sabitdir, bu aydındır”, – Vadepul Almaniya mediasına müsahibəsində bildirib.

Bu kontekstdə Vadepaul Baltikyanı ölkələrlə Skandinaviya arasında rabitə kabellərinin zədələnməsini, NATO ölkələrinin hava məkanının pozulması hallarını, Rusiya Hərbi Dəniz Qüvvələrinin hərəkətlərini qeyd edib.

“Beləliklə, aydındır ki, biz risk zonasında yaşayırıq”, – Almaniyalı nazir qeyd edib.

Yohan Vadepul həmin müsahibəsində qeyd edib ki, Ukrayna həm Avropa İttifaqına, həm də NATO-ya üzv olmaq perspektivinə malikdir.

“NATO-da biz kollektiv şəkildə razılaşdıq ki, Ukrayna müdafiə alyansına üzv olmaq yolundadır və bu yol dönməzdir”, – Almaniyanın xarici işlər rəhbəri bildirib.

Bununla yanaşı, XİN vurğulayıb ki, Almaniyanın yeni kansleri Fridrix Merts “seçilmədən əvvəl Ukraynanın yalnız müharibə başa çatdıqdan sonra NATO-ya üzv olmasının mümkünlüyündən danışırdı”.