Almaniyanın iqtisadiyyat naziri bildirir ki, Avropa İttifaqı Türkiyədən blok ölkələrinə yeni müqavilələrlə tədarük edilən qazın Rusiya mənşəli olmamasını tələb edir

Avropa İttifaqı Türkiyədən blok ölkələrinə yeni müqavilələrlə tədarük edilən qazın Rusiya mənşəli olmamasını tələb edir, – “Bloomberg”in xəbər verdiyinə görə, bu barədə Almaniyanın iqtisadiyyat naziri Katerina Rayxe bildirib.

Katerina Reyxenin sözlərinə görə, Türkiyə Avropa İttifaqı üçün Rusiya xammalının tədarükündən imtina etməyin nə dərəcədə vacib olduğunu anlayır, lakin eyni zamanda açıq şəkildə bildirir ki, Rusiya qazını həm iqtisadi baxımdan, həm də mövcud resurslar nəzərə alınmaqla bir gün ərzində əvəz etmək mümkün deyil.

Məlumat üçün bildirək ki, yanvarın 26-da Avropa Şurası Rusiya maye qazının (LNG) Avropa İttifaqına tədarükünün 2027-ci il yanvarın 1-dən etibarən tamamilə qadağan edilməsini təsdiqləyib, boru kəmərləri vasitəsilə nəql olunan Rusiya qazının qadağası isə 2027-ci ilin sentyabrın 30-dan qüvvəyə minəcək.

Bununla yanaşı, qısamüddətli müqavilələrlə Rusiya maye qazının (LNG) idxalına qoyulan qadağa 2026-cı ilin aprelin 25-dən qüvvəyə minib, boru kəmərləri vasitəsilə nəql olunan qazın qısamüddətli müqavilələri isə 2026-cı ilin iyunun 17-nə qədər başa çatmalıdır.