Almaniyadan sığınacaq istəyən Gürcüstan vətəndaşlarının sayı 20 faizlə azalıb
13:36, 25.07.2019
Almaniyadan sığınacaq istəyən Gürcüstan vətəndaşlarının sayı 20 faizlə azalıb.
Almaniyanın Miqrasiya və Qaçqınlar üzrə Federal Xidmətinni rəsmi göstəricilərinə əsasən, cari ilin yanvar-iyul aylarında Almaniyadan sığınacaq istəyən 2 111 Gürcüstan vətəndaşının ərizəsi daxil olub. 2018-ci ilin eyni dövründə isə, Almaniyadan sığınacaq istəyən Gürcüstan vətəndaşlarının sayı 2 640 idi.
Həmçinin, azalma dinamikası aylara görə də bəlli olur. Əgər 2019-cu ilin yanvar ayında müvafiq tələblə 534 ərizə daxil olurdusa, iyun ayında bu göstərici 182 idi.
2018-ci ildə Almaniyaya sığınacaq üçün müraciət edən Gürcüstan vətəndaşların sayı 4 265 idi və bu da, 2017-ci ilin göstəricilərindən 23 faizlə artıq idi.
