Almaniya prezidenti Ermənistana Avropa İttifaqı ilə yaxınlaşmağa kömək edəcəyinə söz verib

Almaniya prezidenti Ermənistana Avropa İttifaqı ilə yaxınlaşmağa kömək edəcəyinə söz verib, – bu barədə Frank-Valter Ştaynmayer Ermənistana səfər edərkən, erməni həmkarı ilə görüşü zamanı bildirib.

“Artıq dəstək həyata keçirilir. İlk növbədə, tanışlıq əməliyyat prosedurları aparılır, həmçinin, tərəfdaşlıq gündəliyi hazırlanır. Onun razılaşdırılmasından sonra biz əməkdaşlığa keçməliyik”, – Almaniya prezidenti Yerevanda keçirdiyi mətbuat konfransında bildirib.

Onun dediyinə görə, Ermənistanın Avropa İttifaqına yaxınlaşmaq üçün islahatların həyata keçirilməsi üçün hələ böyük işi var və “Ermənistan Avropa İttifaqına gedən uzun yolda çox realistdir”.

Öz növbəsində Ermənistan prezidenti Vahan Xaçaturyan qeyd edib ki, Ermənistan Avropa İttifaqına üzv olmaq istəyir.

“Biz sadəcə Avropa İttifaqının üzvlüyünü istəyirik. Ermənistanda buna qarşı çıxacaq bir nəfərin olacağını düşünmürəm”, – Ermənistan prezidenti qeyd edib.

Məlumat üçün bildirək ki, martın 26-da Ermənistan parlamenti “Ermənistan Respublikasının Avropa İttifaqına üzvlük prosesinin başlanması haqqında” qanunu yekun oxunuşda qəbul edib, hərçənd, bu qərar Ermənistana Avropa İttifaqı üzvlüyünə rəsmi namizəd ölkə statusu vermir.