Almaniya kansleri Fridrix Merts, ABŞ prezidenti Donald Trampla telefon danışığı zamanı ticarət və Ukraynadakı müharibə haqqında danışıb.

Almaniya hökumətinin nümayəndəsinin məlumatına görə, onlar ticarət məsələsinin həllinin zəruriliyi və Ukraynada müharibəyə son qoymaq məqsədi ilə ölkələrinin necə əməkdaşlıq edə biləcəyi barədə razılığa gəliblər.

“Tramp, Almaniyanın Fransa, Böyük Britaniya, Polşa və digər Avropa tərəfdaşları ilə birlikdə davamlı sülhə nail olmaq səylərini güclü şəkildə dəstəkləyəcəyini bildirib”, – Almaniya hökumətinin nümayəndəsi bildirib.

Onun dediyinə görə, Tramp kansleri bu vəzifəyə təyin olunması münasibətilə təbrik edib.

“Kansler Merts ABŞ prezidentinə təsdiq etdi ki, İkinci Dünya Müharibəsinin bitməsindən 80 ildən sonra da, ABŞ Almaniyanın əvəzolunmaz dostu və tərəfdaşı olaraq qalır”, – Almaniya hökumətinin nümayəndəsi bildirib.